Iso é o que buscamos en SerHumana: espazos educativos con maior seguridade a través da autenticidade, a empatía e a conexión.
Traballamos co ecosistema completo: profesorado, equipos directivos, familias e alumnado, para elevar os niveis de benestar emocional de toda a comunidade educativa.
Nos centros educativos, cada vez é máis evidente a importancia de traballar a dimensión emocional e as relacións. O profesorado sostén unha alta carga emocional, moitas veces sen as ferramentas necesarias para acompañar o que ocorre na aula: abandono escolar, polarización, comportamentos violentos, machistas, racistas, lgtbifóbicos, apatía, desmotivación, etc.
Ao mesmo tempo, aumentan os conflitos de convivencia e empeora a saúde mental das infancias e adolescencias, xunto coas dificultades na relación entre centros e familias. A educación emocional segue permanecendo, en moitos casos, na esfera teórica, sen chegar a integrarse na práctica real. Isto impacta directamente no clima educativo, no benestar e na posibilidade de acompañar procesos de aprendizaxe e desenvolvemento con coherencia, eficacia e empatía.
En SerHumana acompañamos aos centros educativos a impulsar a educación emocional como base para poder aprender, convivir e vivir mellor.
Traballamos cos distintos axentes da comunidade educativa para avanzar cara a unha educación que promova boas vidas, vidas democráticas, sostidas pola empatía e os coidados, que promocione unha cultura de paz.
Facémolo a través de diferentes áreas de traballo desde unha perspectiva de xénero transversal.
Cada centro educativo é un ecosistema propio, coas súas dinámicas, necesidades e retos.
Por iso, en SerHumana, deseñamos procesos e intervencións adaptadas á realidade de cada un, combinando formación experiencial, consultoría e acompañamento a equipos docentes.
Hai un antes e un despois desde as formacións con Sara. Son mellor persoa, mellor nai e mellor eu mesma.
Sarah Stothart
Nai
Despois de participar noutras formacións de Sara entendín que o máis importante delas non fora xa o que aprendera, senón a escoita e a conexión que sentira ao sentirme parte do grupo, ao sentirme escoitada, comprendida… Formar parte do grupo de desenvolvemento emocional foi un verdadeiro agasallo para min mesma, unha rutina marabillosa de autocoidado que espero manter moito tempo. Creo que Sara ten unha gran fortaleza para conectar co grupo, para empatizar; sabe trasladar calquera concepto abstracto a experiencias reais e tanxibles coas que é imposible non sentirse identificado. Por outra banda, como docente, admiro a súa capacidade para estar sempre ao día, actualizada.
Julieta Jiménez de Llano García
Directora dun centro educativo
Carmen Areas
Mestra dun centro educativo
A formación serviume para tomar conciencia da importancia de escoitar con empatía e expresar o que sentimos sen xulgar. Impactoume ver como pequenos cambios na maneira de falar poden transformar as relacións. Creouse un espazo seguro para compartir experiencias e reflexionar sen xuízos. Marchei cunha sensación de calma, motivación para continuar afondando no tema e moitas ganas de poñer en práctica o aprendido. Sara é unha formadora excepcional: combina cun profundo sentido da empatía o seu coñecemento sobre comunicación non violenta e desenvolvemento emocional, facendo que cada contido sexa accesible, transformador e inspirador. A súa capacidade para conectar coas persoas participantes, facilitar reflexións e ofrecer ferramentas prácticas é realmente admirable.
Ana Perandones
Directora dun centro educativo