A mirada
cámbiao todo.

A nosa forma de mirarnos, de mirar as relacións e de mirar o mundo cámbiao todo.

Volver a mirada cara a dentro para sermos capaces de entendernos ao mesmo tempo que miramos cara a fóra, aos sistemas aos que pertencemos e á maneira na que o facemos, é a forma de construír unha vida común máis equilibrada, auténtica e feliz. De construír un cambio real e sostible con nós mesmas e coas demais persoas.

Porque a mirada cámbiao todo.

Especialidades

En SerHumana axudamos a xerar este cambio a través de programas e proxectos de formación, acompañamento e consultoría:

Desenvolvemento emocional

Igualdade de xénero

Desenvolvemento e coaching de equipos

Comunicación NonViolenta

Traballamos con

Centros educativos

Empresas

Institucións

Grupos abertos

Proxectos

Cohesión e empatía nos equipos: teambuilding

Comunicación NonViolenta para docentes

Coeducación emocional para as boas vidas (para familias)

Coeducación emocional para las buenas vidas (para educadoras)

Grupo de Desenvolvemento Emocional

Liderados con(sentido)

O súper poder da vulnerabilidade nos nenos

Sentir(nos) equipo

Breve descripción

Acompañando a adolescencia desde a empatía

A mandanga relacional

Xa confiaron en nós

Testemuños

Coñecín moitísimos formadores na miña carreira profesional, máis de 20 anos no ámbito da consultoría, e Sara ten a combinación perfecta de técnica-coñecementos e magníficas habilidades para dinamizar a aula. Excelente comunicadora. Ademais, a súa capacidade para xerar un contorno de escoita, seguridade e confianza é total. 100 % recomendable.

Silvia Fernández.

Consultoría de RRHH

Unha experiencia transformadora. Máis ca unha formación, eu vivina como sesións de desenvolvemento integral, para min como mestra e para min mesma en xeral. Se tivese que explicalo cunha imaxe diría unha crisálida emocional.

Carmen Areas
(Mestra e coordinadora de benestar dun centro educativo)

Sara ten unha sabedoría emocional inmensa que lle permite afrontar con solvencia moitas das encrucilladas diversas que lle formulamos. A metodoloxía é moi dinámica e tamén permite a introspección. Xera espazos de reflexión tranquilos e seguros. Sempre ofrece bibliografía ou material complementario. É ordenada na exposición teórica e complétaa cunha exposición dixital que non é invasiva nin rompe o clima das sesións. Coida detalles como a elección de música idónea nos momentos de reflexión e traballo. Quero resaltar algo importante: o bo humor e unha actitude libre de xuízo que fai que nos sintamos tan cómodas e nos expresemos con tanta liberdade.

Carmen
(Traballadora social. Dirección Centro Cívico)

Hai un antes e un despois desde as formacións con Sara. Son mellor persoa, mellor nai e mellor eu mesma.

Sarah Stothart
(Nai)